Íslenska – 1
Öryggisleiðbeiningar
Lesa skal allar öryggisupplýsingar og
leiðbeiningar. Ef ekki er farið að í samræmi við
öryggisupplýsingar og leiðbeiningar getur það
haft í för með sér raflost, eldsvoða og/eða
alvarlegt líkamstjón.
Geyma skal allar öryggisupplýsingar og leiðbeiningar til
síðari nota.
Þegar talað er um rafhlöðu rafhjóls í þessari
notendahandbók er átt við allar upprunalegar Bosch-
rafhlöður fyrir rafhjól sem tilheyra kynslóðinni the smart
system.
Þegar talað er um drifeiningu í þessari notendahandbók er
átt við allar upprunalegar Bosch-drifeiningar sem tilheyra
kynslóðinni the smart system.
u Lesa og fylgja skal öryggisupplýsingum og
leiðbeiningum í öllum notendahandbókum fyrir
rafhjólskerfið sem og í notendahandbók rafhjólsins.
u Reynið ekki að festa hjólatölvuna eða stjórntölvuna á
ferð!
u Ekki skal láta skjá hjólatölvunnar beina athyglinni frá
umferðinni. Ef þú ert ekki með hugann við umferðina í
kringum þig er hætta á að þú lendir í slysi. Ef þú vilt gera
meira í hjólatölvunni en að breyta stuðningsþrepinu skaltu
stöðva hjólið fyrst.
u Ekki nota farsímann þegar þú ert á ferð. Ef þú ert ekki
með hugann við umferðina í kringum þig er hætta á að þú
lendir í slysi. Stöðvaðu hjólið fyrst.
u Stilla skal birtustigið á skjá hjólatölvunnar þannig að
mikilvægar upplýsingar á borð við hraða eða
viðvörunartákn sjáist greinilega. Ef birtustigið á skjá
hjólatölvunnar er ekki rétt stillt getur það skapað hættu.
u Ekki má opna hjólatölvuna. Ef hjólatölvan er opnuð
getur það eyðilagt hana og ábyrgðin fellur úr gildi.
u Ekki má nota hjólatölvuna sem handfang. Ef rafhjólinu
er lyft upp með hjólatölvunni getur það valdið varanlegu
tjóni á hjólatölvunni.
u Ekki setja rafhjólið á hvolf á stýrið og hnakkinn þegar
hjólatölvan eða festing hennar standa út fyrir stýrið.
Hjólatölvan eða festingin geta orðið fyrir varanlegu tjóni.
Einnig skal taka hjólatölvuna af áður en rafhjólið er sett í
viðgerðastand til að koma í veg fyrir að hjólatölvan falli af
eða verði fyrir skemmdum.
u Varúð! Þegar hjólatölvan er notuð með Bluetooth® og/eða
Wi-Fi geta komið upp truflanir í öðrum tækjum og kerfum,
flugvélum og lækningatækjum (t.d. hjartagangráðum og
heyrnartækjum). Einnig er ekki hægt að útiloka skaðleg
áhrif á fólk og dýr í nánasta umhverfi. Ekki má nota
hjólatölvuna með Bluetooth® nálægt lækningatækjum,
bensínstöðvum, efnageymslum, svæðum þar sem er
sprengihætta og á svæðum þar sem er sprengt. Ekki má
nota hjólatölvuna með Bluetooth® í flugvélum. Forðast
skal að nota búnaðinn í lengri tíma í senn nálægt
líkamanum.
u Orðmerkið Bluetooth® og myndmerkin (nafnmerkin) eru
skráð vörumerki í eigu Bluetooth SIG, Inc. Öll notkun
þessa orðmerkis/þessara myndmerkja af hálfu Robert
Bosch GmbH, Bosch eBike Systems er samkvæmt leyfi.
u Hjólatölvan býður upp á þráðlausa tengingu. Virða
skal staðbundnar takmarkanir á notkun, t.d. í
flugvélum og á sjúkrahúsum.
Öryggisleiðbeiningar fyrir hnapparafhlöður
u VIÐVÖRUN! Geyma skal hnapparafhlöður þar sem
börn ná ekki til. Hnapparafhlöður eru hættulegar.
u Alls ekki má kyngja hnapparafhlöðum eða setja þær
inn í önnur líkamsop. Ef grunur leikur á um að
hnapparafhlöðu hafi verið kyngt eða stungið inn í
annað líkamsop skal tafarlaust leita læknis. Inntaka
hnapparafhlöðu getur valdið alvarlegum efnabruna
innvortis og leitt til dauða á innan við tveimur
klukkustundum.
u Gæta skal þess að fara rétt að þegar skipt er um
hnapparafhlöðu. Hætta er á sprengingu.
u Aðeins skal nota þær hnapparafhlöður sem tilgreindar
eru í þessari notendahandbók. Ekki skal nota aðrar
hnapparafhlöður eða annars konar orkugjafa.
u Ekki skal reyna að hlaða hnapparafhlöðuna og ekki má
valda skammhlaupi í henni. Hnapparafhlaðan getur
orðið óþétt, sprungið, brunnið og valdið meiðslum á fólki.
u Taka skal tómar hnapparafhlöður úr og farga þeim
með viðeigandi hætti. Tómar hnapparafhlöður geta
orðið óþéttar og valdið meiðslum á fólki eða skemmdum á
vörunni.
u Hnapparafhlaðan má ekki ofhitna og ekki má kasta
henni í eld. Hnapparafhlaðan getur orðið óþétt, sprungið,
brunnið og valdið meiðslum á fólki.
u Gæta skal þess að skemma ekki hnapparafhlöðuna og
ekki má taka hana í sundur. Hnapparafhlaðan getur
orðið óþétt, sprungið, brunnið og valdið meiðslum á fólki.
u Skemmd hnapparafhlaða má ekki komast í snertingu
við vatn. Ef litíum lekur úr rafhlöðunni og kemst í
snertingu við vatn getur það myndað vetni og þannig
orsakað eldsvoða, sprengingu eða slys á fólki.
Upplýsingar um persónuvernd
Þegar rafhjólið er tengt við Bosch DiagnosticTool3 eða
þegar skipt er um hluta rafhjólsins er tæknilegum
upplýsingum um rafhjólið þitt (t.d. um framleiðanda, gerð,
auðkenni hjólsins, stillingagögn) og notkun þess (t.d. um
heildartíma á ferð, orkunotkun, hitastig) miðlað til Bosch
eBike Systems (Robert Bosch GmbH) í því skyni að vinna úr
fyrirspurn frá þér, veita þjónustu eða stuðla að vöruþróun.
Frekari upplýsingar um vinnslu persónuupplýsinga er að
finna á www.bosch-ebike.com/privacy-full.
Lýsing á vöru og eiginleikum
Fyrirhuguð notkun
Hjólatölvan Intuvia 100 er ætluð til að birta
akstursupplýsingar á rafhjóli sem tilheyrir kynslóðinni the
smart system.
Bosch eBike Systems 0 275 007 3BI | (03.02.2023)
To Next Page
Loading...
