38
B. Жүйенің жүк көтергіштігі: жүйені бір уақытта пайдалануға рұқсат етілген адамдардың саны жүйенің түріне және
орнатылу әдісіне байланысты әртүрлі болады. Жалпы алғанда жүйе бір-екі пайдаланушыны көтере алады. Жүк
көтергіштігіне қойылатын шектеулер туралы толығырақ мәліметті 2.0 және 3.0 бөлімдерінен қараңыз. Жүйенің жүк
көтергіштігі пайдаланушының максималды салмағы, сонымен қатар құралдар мен киімдердің негізінде есептеледі
және 140 кг-ды құрайды (310 фунт).
C. Қоршаған ортаның жағымсыз әсерлері: бұл жабдықты қоршаған ортаның жағымсыз әсерлері тиетін жерлерде
(мыс., дәнекерлеу немесе металды кесу нәтижесінде жылу пайда болатын, күйдіргіш химиялық заттар, теңіз суы,
жоғары вольтты қуат желілері, жарылғыш немесе улы газдар, қозғалмалы техника, үшкір жиектер бар жерлерде)
қолдану пайдаланушының жарақат алуына немесе жабдықтың зақымдалу ықтималдығын азайтуға бағытталған
қосымша сақтық шараларын орындауды талап етуі мүмкін.
D. Оқыту: бұл жабдықты орнату жұмыстарын орындайтын адамдар оны дұрыс қолдану бойынша оқытылған болуы
қажет. Бұл нұсқауларды түсініп алу және жабдықты дұрыс орнату, пайдалану, оған қызмет көрсету бойынша оқыту
курсынан өту осы жабдық пайдаланушысының жауапкершілігіне жатады. Пайдаланушылар осы жабдықты дұрыс
орнатпаудың немесе дұрыс пайдаланбаудың салдары жөнінде хабардар болуы тиіс. Бұл пайдаланушы нұсқаулығы
оқыту бағдарламасында пайдалануға жарамайды. Пайдаланушының біліктілігін арттыру мақсатында жүйелі түрде
оқыту курстары жүргізіліп тұруы тиіс.
1.4 СТАНДАРТТАР: сатының қауіпсіздік жүйелері және соған байланысты құрамдастар туралы толығырақ мәлімет алу үшін
осы жабдыққа қатысты қолданылатын жергілікті және мемлекеттік талаптарды орындаңыз.
2.0 ЖҮЙЕ ТАЛАПТАРЫ
2.1 Құрамдастардың және қосымша жүйелердің үйлесімділігі:
бұл
жабдық 3M Fall Protection мақұлдаған
құрамдастармен және қосымша жүйелермен бірге ғана пайдалану үшін жобаланған. Мақұлданбаған құрамдастарды және
қосымша жүйелерді (мыс., сақтандырғыш белдіктерді, ілгіш бауларды, муфталарды, т.б.) пайдалану жабдық үйлесімділігіне
қауіп төндіруі мүмкін әрі бүкіл жүйенің қауіпсіздігіне және сенімділігіне әсерін тигізуі мүмкін. Орнату немесе осы жабдықтың
қолдану жағдайына жарамдылығы туралы сұрақтарыңыз болса, 3M Fall Protection компаниясына хабарласыңыз.
Жалғағыштардың үйлесімділігі: осы жүйеде пайдаланылатын жалғағыштар (ілмектер, карабиндер, D тәрізді
сақиналар) жүйемен бірге жеткізілген немесе 3M Fall Protection компаниясы ұсынған қосалқы бөлшектер болуы тиіс.
Ілмектер мен жалғау нүктесінің үйлесімділігін тексергенде абай болыңыз. Үйлеспейтін жалғағыштар өздігінен босап
кетуі (шығып кетуі) мүмкін. Жалғағыштардың өлшемі, пішіні және беріктігі үйлесімді болуы керек. 3M Fall Protection
компаниясы өздігінен жабылатын/өздігінен құлыпталатын жалғағыштарды пайдалануға ұсыныс береді.
Жоспарлау: құлаудан қорғау жүйесін және оның қолданылу тәсілін орнатудан бұрын жоспарлап алыңыз. Құлаудан
бұрын, құлаған жағдайда және одан кейін қауіпсіздігіңізге әсерін тигізетін барлық факторларды ескеріңіз. Келесі
жайттарды ескеруіңіз қажет:
Құлау аралығы: пайдаланушы табанының астынан жерге немесе басқа да бетке дейінгі құлау аралығы кем дегенде
2 м (7 фут) болуы қажет. Әрбір пайдалану алдында жұмыс орнындағы пайдаланушының астында талап етілетін бос
кеңістікті әрдайым тексеріп алыңыз. Құлау барысында ол жерге немесе басқа да кедергіге тимеуі қажет.
; Алғашқы 2 м (7 фут) биіктікте пайдаланушы жерге құлаудан қорғалмауы мүмкін. Көтерілген немесе
төмендеген кезде аса абай болуыңыз қажет.
Құлыптау жылдамдығы: өрмелеу жолында кедергілер болған жағдайда Cabloc/Cabloc Pro муфтасын пайдалануға
болмайды. Тар жерлерде жұмыс істесеңіз, құлау жылдамдығының жеткіліксіз болуынан муфта құлыпталмай қалуы
мүмкін. Жүйенің дұрыс құлыпталуын қамтамасыз ету үшін жол ашық болуы тиіс. Пайдалану барысында муфтаны
қолдану тежегіш механизмнің қауіпсіз жұмыс істеуіне кедергі жасауы мүмкін, сол себептен көтерілу немесе төмендеу
барысында муфтаны қолдануға болмайды. Құрылғы тек қауіпсіз күйде ғана қолданылуы қажет.
; 3M Fall Protection компаниясы рұқсат бермеген болса, Cabloc/Cabloc Pro жүйесін басқа құлаудан қорғау
жүйесімен немесе қосалқы жүйесімен бірге пайдалануға болмайды.
Дене тіреуі: Cabloc/Cabloc Pro жүйесімен толық сақтандырғыш белдік пайдаланылуы қажет. Сатымен көтерілген
кезде, белдікте алдыңғы құлауды тоқтату жүйесімен үйлесімді алдыңғы жалғағышы болуы қажет. Белдіктің жалғау
нүктесі пайдаланушының ауырлық ортасынан жоғары болуы тиіс. Жұмыс орнын бекіту белдігін Cabloc/Cabloc Pro
жүйесімен пайдалануға рұқсат етілмейді. Дене белдігін тағып құлаған жағдайда, ол байқаусызда босап кетуі мүмкін
және денені дұрыс ұстамайтындықтан, тұншығу ықтималдығын тудырады. 3M Fall Protection компаниясының жазбаша
түрдегі рұқсатынсыз жабдықты немесе жүйенің құрамдастарын алуға болмайды.
Cabloc/Cabloc Pro муфтасы: Cabloc/Cabloc Pro муфтасы тек қана Cabloc/Cabloc Pro жүйесімен пайдаланылуы
қажет. Жүйеге қатынас қауіпсіздік күйінен қамтамасыз етілуі тиіс. Қажет болса, қауіпсіздік жүйесіне қатынасу үшін
пайдаланушы екі құйрықты ілгіш бау немесе қатынасу платформасы сияқты басқа да сақтандыру жабдықтарын
пайдалана алады. Жүйені әрқашан құлау ықтималдығын және ықтимал құлау қашықтығын барынша азайтатындай
етіп орналастыру қажет. Құлау қашықтығын арттыратын қосымша жалғағыштар немесе ілгіш баулар қосуға болмайды.
2.2 ҚҰРЫЛЫМ ЖӘНЕ КРОНШТЕЙН ҚОСЫЛЫМДАРЫНА ҚОЙЫЛАТЫН ЖҮКТЕМЕ ТАЛАПТАРЫ:
Cabloc/Cabloc Pro жүйесі орнатылатын өрмелеп шығу құрылымы жүйеден түсетін салмақты көтере алуы тиіс. Есептеу
мақсатында анкерлік бекіткіштің қажетті жүктемесін басқыш тіркемелерінің саны арасында бірқалыпты түрде бөлінген деп
санауға болады. Мысалы, жоғарғы анкерлік бекіткіш (2-сурет) екі басқыш қосылымымен жеткізіледі. Бұл мысалда әрбір
басқыш үшін қажетті жүктеме 7,5 кН (1686 фунтты) құрайды, екі басқыш үшін жалпы мән 15,0 кН (3375 фунт) болады.
Құрылым: Құлау орын алған жағдайда Cabloc/Cabloc Pro жүйесі орнатылған құрылым кем дегенде жүйе салмағының екі
есе мөлшерін көтере алуы қажет (6 кН x 2 = 12 кН / 2700 фунт; 15 кН / 3375 фунт - 2 пайдаланушы). Бұл нұсқауларды
орындамау жүйенің істен шығуына әкелуі мүмкін.
A. ЖОҒАРҒЫ АНКЕРЛІК ҚЫСҚЫШ: (2-суретті қараңыз) Жоғарғы анкерлік қосылым жүктемелері жүйенің алдын
ала керілісін және құлауды тоқтатуға қатысты күштерді қамтиды. Жоғарғы анкерлік қысқышқа қойылатын жүктеме
талаптары жүйені бір уақытта пайдалануға рұқсат етілген пайдаланушылар санына, жоғарғы анкерлік қысқыштың
үлгісіне және құрылымға жалғану түріне байланысты әртүрлі болады.
B. ТӨМЕНГІ АНКЕРЛІК ҚЫСҚЫШ: Төменгі анкерлік қосылым жүктеу бағытында 3,3 кН (750 фунт) жүйенің керіліс
алдындағы жүктемесін ұстай алуы керек.
3.0 ЖҮЙЕНІ ОРНАТУ
3.1 Cabloc/Cabloc Pro жүйелері әртүрлі бекітілетін сатылы құрылымдарға оңай орнатуға арналған. Орнатуды бастау
үшін жоғарғы және төменгі анкерлік бекіткіштердің, арқан бағыттағыштарының үлгі нөмірлерін және арқанның
To Next Page
Loading...
